[vc_row][vc_column][vc_text_separator title=”Frambjóðendur”][vc_column_text]

[tmm name=”verkfraedi-og-natturuvisindasvidi”]

[/vc_column_text][/vc_column][/vc_row][vc_row][vc_column][vc_text_separator title=”Stefnumál”][vc_column_text]

STEFNUMÁL Á VERKFRÆÐI OG NÁTTÚRUVÍSINDASVIÐI

 

LESAÐSTAÐA OG VERKLEG AÐSTAÐA

Lærdómsaðstaða nemenda á Verkfræði- og náttúruvísindasviði hefur þurft að líða verulega fyrir það að háskólinn er undirfjármagnaður. Núna hefur Háskólinn fengið meira fjármagn og við í Vöku krefjumst þess að lesaðstaða og verkleg aðstaða fyrir nemendur í Öskju, VR tveimur og öðrum byggingum á Verkfræði- og náttúruvísindasviði verði bætt til muna.
Það skiptir öllu máli að nemendur hafi fullnægjandi aðstöðu til að stunda sitt nám. Vaka ætlar að berjast fyrir bættri aðstöðu nemenda innan VoN.

 

BERJAST FYRIR ÁFRAMHALDANDI UPPTÖKUPRÓFUM Í JANÚAR

Árið 2016 fór HÍ af stað með tilraunaverkefni þess efnis að sjúkra- og upptökupróf haustannar á VoN yrðu haldin í janúar en ekki maí. Í maí á þessu ári lýkur tilraunatímabili VoN. Ef vel gengur mun slíkt fyrirkomulag haldast í sessi. Meirihluti námsmanna reiðir sig á þjónustu á borð við LÍN og Stúdentagarða, sem veltur á námsframvindu þeirra, þ.e.a.s. ef nemenda tekst ekki að ljúka tilskyldum einingum annarinnar verður slík þjónusta skert til muna. Því telur Vaka núverandi fyrirkomulag nemendum til hagsbóta og mun þrýsta á að öll sjúkra- og upptökupróf haustannar verði haldin í janúar.

 

EYÐUM DEGINUM Í EINNI BYGGINGU

Flestir nemendur sviðsins þekkja kapphlaupið sem felst í því að koma sér úr VR-II í Öskju, eða öfugt, á aðeins tíu mínútum. Vaka vill að þegar stundatöflur eru settar saman í byrjun annar verði það haft að leiðarljósi að nemendur þurfi ekki að flakka á milli bygginga yfir daginn.

 

LAGFÆRA PRENTARA Í TÖLVUSTOFUM Á EFRA SVÆÐI

Það eru einungis tveir prentarar á efra svæðinu sem aðgengilegir eru nemendum. Annar þeirra, sem staðsettur er á þriðju hæð í VR2, hefur verið bilaður í tæp tvö ár. Einnig vantar VoN sárlega litaprentara í sínar byggingar.  Lögum svona smáræði. Það er lítið mál.  

 

OPIÐ ALLAN SÓLARHRINGINN Í ÖSKJU OG VR2 YFIR PRÓFTÍMA

Askja er opin alltof stuttan tíma sólarhringsins. Mikilvægt er að hafa húsin lengur opin, sérstaklega fyrir próf og á meðan þeim stendur. Þá vantar heimastofur fyrir nemendur í Öskju. Vaka atlar að berjast fyrir auknu aðgengi nemenda að skólastofum, sérstaklega í prófatörn.

 

UPPTAKA FYRIRLESTRA

Vaka vill berjast fyrir því að upptökubúnaður sem nú þegar er til staðar í öllum stofum verði nýttur til upptöku á tímum og fyrirlestrum. Þetta er grundvallaratriði í að stuðla að jafnrétti til náms, það eiga allir að hafa sama aðgang að mikilvægu kennsluefni.

 

ÞAÐ SÁRVANTAR BÍLASTÆÐI FYRIR FRAMAN BYGGINGAR VON

Stórauka þarf framboð af bílastæðum fyrir nemendur VoN. Vaka ætlar að berjast fyrir því að stækka malarplanið hjá VR I&II og hámarka nýtingu á öllum bílastæðum sem standa nú þegar til boða fyrir framan byggingar Verkfræði- og náttúruvísindasviðs.

 

VEGAN OG GRÆNMETISÆTUR

Auka þarf úrval í Hámu fyrir fólk sem borðar ekki dýr eða dýraafurðir. Fáir réttir eru í boði og þörf er á fjölbreyttara úrvali af grænmetis- og vegan í Hámu innan Verkfræði-og náttúruvísindasviðs.

[/vc_column_text][/vc_column][/vc_row][vc_row][vc_column][vc_separator][/vc_column][/vc_row]