Frambjóðendur

Þorgerður Anna Gunnarsdóttir
1. sæti
Enska
Ragnhildur Anna Kjartansdóttir
2. sæti
Sagnfræði
Derek T. Allen
3. sæti
Íslenska sem annað mál
María Mist Jóhannsdóttir
4. sæti
Íslenska
Rizza Fay Elíasdóttir
5. sæti
Enska

Stefnumál

STEFNUMÁL Á HUGVÍSINDASVIÐI

 

AÐGENGI AÐ NÁMI

Til þess að stuðla að jafnrétti til náms fyrir alla er mikilvægt að mætingarskylda sé afnumin með öllu og að fyrirlestrar séu teknir upp og aðgengilegir á netinu.

 

ENDURUPPTÖKUPRÓF

Ýmsar ástæður geta verið fyrir því að nemendur falli á prófi. Fólk getur orðið fyrir áföllum í prófatíð og átt erfitt með einbeitingu. Þá þjást margir af alvarlegum prófkvíða. Endurtökupróf ættu að vera í boði fyrir nemendur á Hugvísindasviði líkt og tíðkast á öðrum sviðum.

 

KAFFISKORTUR

Í Aðalbyggingu hefur löngum verið kaffiskortur. Nú hefur Veröld verið tekin til notkunar og þar er heldur enginn aðgangur að næringu né kaffi. Við krefjumst þess að nemendur geti nálgast kaffi í sínum byggingum.

 

SKILGREINING HLUTVERKA

Sviðsráð Hugvísindasviðs skortir hlutverk, sem gerir það að verkum að það er erfitt að koma hlutunum í verk. Ef sviðsráð setur sér skýra stefnu í samræmi við aðra hagsmunaaðila á sviðinu eru því allir vegir færir.

 

ENDURGJÖF

Rétt eins og nemendum ber skylda til þess að skila af sér verkefnum á réttum tíma, þá ættu kennarar að fara eftir sinni skyldu til þess að skila endurgjöf innan tímamarka. Þá er sundurliðun einkunna oft ábótavant, auk þess sem nemendur geta þurft að fara krókaleiðir til að fá aðgang að prófsýningu.

 

PRÓFNÚMER

Nemendum er leyfilegt að merkja próf sín annað hvort með nafni og kennitölu eða með prófnúmeri. Sumum kennurum virðist ekki vera kunnugt um þessar reglur. Í minni námskeiðum getur verið mikilvægt að kennarar gæti hlutleysis við einkunnagjöf.

 

VÆGI

Setja ætti takmarkanir á hversu mikið lokaprófseinkunn gildir til lokaeinkunnar. Þá ættu kennarar að passa að samræma vinnuálag og einingafjölda námskeiða.